XX. mendeko Euskararen Corpus estatistikoa

Testuingurua

Ekonomiaren bilakaera

Aurreko jardueretako informazioaren arabera, zenbait garaitan nekazaritza iraupenezkoa eta, halabeharrez, buruaskia izan zela ikusi dugu.

Lan asko eginda ere, jateko ozta-ozta lortzen zuten garai haietako gizakiek, produktibitate eskasa baitzegoen: lurrak agortu egiten ziren, tresneria traketsa zuten, eguraldiaren menpe bizi ziren... Soberakinik ez zuten sortzen eta beharrezko guztia eurek sortu eta landu behar izaten zuten: lanerako tresnak, oihalak...

Historiako beste garai batzuetan berriz, oparotasun gehiago izango zuten eta horrek, 26. jarduerako irudian ikus daitekeen bezala, lanaren banaketa ekarriko zuen eta soberakinak sortzean, merkatu ekonomia bultzatu: elikagaiak beste produktuekin trukatzeko aukera zuten.

Horrela, artisautza eta merkataritza indartu ziren, eta ondorioz, baita hiriaren egitura ere.

Hau, lehenago ikusi dugunez, nahiko nabarmena izan zen garai zehatz batzuetan: hala nola Ekialde Hurbileko zibilizazio mediterranearretan, Grezian eta Erroman eta, askoz ere beranduago, Behe Erdi Aroan.

Artisautza

Goiko irudiei begiratu ondoren, erantzun artisautzari buruzko galdera hauei:

1. Zer informazio iturri motatakoak dira goiko irudi horiek? Zer informazio ematen digute?

2. Goiko irudien arabera, zer artisautza mota azaldu ote ziren Ekialde Hurbilean?

3. Adieraz itzazu garai horretan egon zitezkeen beste hainbat lanbide.